پوری دنیا میں کورونا سے ہلاک ہونے والوں کی تعداد پونے دو لاکھ سے زیادہ

پوری دنیا میں جہاں کورونا متاثرین کی تعداد ساڑے 25 لاکھ سے تجاوز کر گئی ہے وہیں اس سے ہلاک ہونے والوں کی تعداد ایک لاکھ77 ہزار سے زیادہ ہو گئی ہے۔ امریکہ میں اس کا قہر رکنے کا نام نہیں لےرہا ہے اور وہاں متاثرین کی تعداد 8 لاکھ سے اوپر پہنچ گئی ہے جبکہ اموات کی تعدا د45 ہزار سے زیادہ ہو گئی ہے۔

ادھر ترکی میں کل پانچ ہزار نئے معاملوں کے بعد متاثرین کی تعداد 95 ہزار سے تجاوز کر گئی جبکہ ترکی میں شرح اموات کم ہے اور وہاں ابھی تک کورونا سے ہلاک ہونے والوں کی تعداد 2259 ہے۔ترکی میں متاثرین کی تعداد اب ایشیائی ممالک میں سب سے زیادہ ہے۔

فرانس میں کورونا سے ہلاک ہونے والوں کی تعداد 20 ہزار سے تجاوز کر گئی ہے۔ اٹلی میں اموات کی تعداد 24 ہزار سے زیادہ ہو گئی ہے جبکہ اسپین میں یہ تعداد 21 ہزار سے زیادہ ہے۔برطانیہ میں متاثرین کی تعداد سوا لاکھ سے زیادہ ہے اور مرنے والوں کی تعداد 17 ہزار سے تجاوز کر گئی ہے۔

ایران میں متاثرین اور ہلاک ہونے والوں کی تعداد میں کوئی زیادہ اضافہ کا رجحان نہیں ہے۔ایران میں متاثرین کی مجموعی تعداد ساڑے 84 سے زیادہ ہے اور ہلاک ہونے والوں کی تعداد 5279 ہے۔ سعودی عرب میں متاثرین کی تعداد میں تیزی نظر آ رہی ہے اور وہاں اب متاثرین کی تعداد ساڑے 11 ہزار سے زیادہ ہو گئی ہے جبکہ ہلاک ہونے والوں کی تعداد 109 ہے۔