کورونا وائرس سے ہلاک ہونے والوں کی تعداد 74 ہزار سے پار

اسپین میں متاثرین کی تعداد ایک لاکھ 36 ہزار ہےجو یوروپ میں سب سے زیادہ ہےاور وہاں ہلاک ہونے والوں کی تعداد ساڑے 13 ہزار کے قریب ہے۔

سوشل میڈیا 
سوشل میڈیا
user

قومی آوازبیورو

کورونا وائرس کاقہر پوری دنیا میں تھمنے کا نام نہیں لے رہا ہے۔ اب تک کے اعداد و شمار کے مطابق پوری دنیا میں جہاں کورونا متاثرین کی تعداد ساڑے تیرہ لاکھ سے تجاوزکر گئی ہے وہیں اس سے ہلاک ہونے والوں کی تعداد 74 ہزار کے پار ہوگئی ہے۔ امریکہ میں اس وائرس سے متاثرین کی تعداد ساڑے تین لاکھ سے اوپر پہنچ گئی ہے وہیں ہلاک ہونے والوں کی تعداد ساڑے دس ہزار سے زیادہ ہوگئی ہے ۔ اس وبا کے تیزی سے پھیلنے کی وجہ سے امریکی شہریوں میں زبردست خوف ہے۔

یوروپ میں ہلاکتوں کے تعلق سے اٹلی اب بھی سر فہرست ہے اور وہاں اس سے ہلاک ہونے والوں کی تعداد ساڑے 16 ہزار سے زیادہ ہوگئی ہے جبکہ متاثرین کی تعداد ایک لاکھ 32 ہزار ہے ۔اسپین یوروپ کا وہ ملک ہے جہاں متاثرین کی تعداد سب سے زیادہ ہے۔اسپین میں متاثرین کی تعداد ایک لاکھ 36 ہزار ہے جبکہ وہاں ہلاک ہونے والوں کی تعداد ساڑے 13 ہزار کے قریب ہے۔ فرانس میں ہلاک ہونے والوں کی تعداد 9 ہزار کے قریب ہے جبکہ برطانیہ میں یہ تعداد چھہ ہزار سے زیادہ ہو گئی ہے۔یوروپ کے ملک جرمنی میں متاثرین کی تعداد ایک لاکھ تین ہزار ہے اوروہاں مرنے والوں کی تعداد 1800 ہے۔

ایران میں کورونا متاثرین کی تعداد 60ہزار سے تجاوز کر گئی ہے جبکہ وہاں ہلاک ہونے والوں کی تعداد 3700 سے اوپر پہنچ گئی ہے ۔ ایران میں تمام کوششوں کے باوجود کورونا وائرس کاپھیلاؤ رکنے کا نام نہیں لے رہا ہے ۔ سعودی عرب میں کل مزید چار اموات کے بعد ہلاک ہونے والوں کی تعداد38 ہو گئی ہے جبکہ وہاں متاثرین کی مجموعی تعداد 2605 ہے۔ہندستان میں کل نئے معاملہ کم سامنے آئے ہیں لیکن اضافہ کارجحان نظر آ رہاہے۔