اسرائیلی فوج کی فائرنگ سے ایک اور فلسطینی شہید

قابض اسرائیلی فوج کی فائرنگ سے ایک فلسطینی شہید ہو گیا ہے۔ اس واقعے کی فلسطینی وزارت صحت نے بھی باضابطہ طور پر تصدیق کر دی ہے۔

تفصیلات کے مطابق یہ واقعہ جمعرات کی اسرائیلی فوج کی جانب سے مغربی کنارے میں شروع کیے گئے چھاپے کے دوران جمعہ کی صبح شروع ہونے کے بعد پیش آیا ہے۔

فلسطینی عینی شاہدین کے مطابق اسرائیلی فوج کے چھاپے کے دوران فوج کی فلسطینیوں کے ساتھ جھڑپیں شروع ہو گئیں اورایک فلسطینی اسرائیلی فوج کی فائرنگ کی زد میں آگیا۔

تاہم دوسری جانب اسرائیلی فوج کے ترجمان نے اس بارے میں ابھی تک کوئی تبصرہ نہیں کیا ہے۔ مغربی کنارے کے علاقوں میں پے در پے واقعات کی وجہ سے کافی زیادہ کشیدگی پائی جاتی ہے۔ کشیدگی کا یہ سلسلہ ماہ مارچ سے بتدریج شدید ہوتا گیا ہے۔