افغانستان: 24 گھنٹوں میں 572 طالبان ہلاک، 309 زخمی

کابل: افغانستان میں سرکاری فورسز نے گزشتہ 24 گھنٹوں کے دوران 572 طالبانیوں کو ہلاک اور 309 کو زخمی کر دیا ہے۔ افغان وزارت دفاع کے ترجمان فواد امان نے اتوار کو یہ اطلاع دی۔ فواد امان نے ٹوئٹ کرتے ہوئے کہا کہ "ننگرہار، لغمان، غزنی، پکتیا، پکتیکا، قندھار، ارزگان، ہیرات، فرح، جوجان، سرائے پل، فاریاب، ہلمند، نیمروز، تخار، قندوز، بدخشان اور کاپیسا صوبوں میں گزشتہ 24 گھنٹوں میں افغانستان میں نیشنل ڈیفنس اینڈ سیکورٹی فورس (اے این ڈی ایس ایف) کی کارروائیوں میں 572 طالبان ہلاک اور 309 دیگر زخمی ہوگئے ہیں۔

فود امان نے تاہم یہ واضح نہیں کیا کہ یہ تمام عسکریت پسند طالبان سے وابستہ ہیں یا کسی اور تنظیم سے۔ واضح رہے کہ افغانستان میں امریکی فوجیوں کے انخلا کے دوران طالبان کے حملوں میں شدت آئی ہے۔ اس دوران اے این ڈی ایس ایف اور طالبان کے درمیان تنازعہ میں بھی اضافہ ہوا ہے۔ طالبان نے ہفتہ کو اعلان کیا تھا کہ اس نے جنوب مغربی صوبے نیمروز اور شمالی صوبے جوزجان پر قبضہ کر لیا ہے۔ نمروز کا دارالحکومت زرنج 2016 کے بعد پہلا ایسا صوبائی مرکز بن گیا ہے جس پر طالبان نے قبضہ کیا ہے۔