کورونا وائرس: امریکہ میں پہلی بار ایک دن میں 300 اموات

ہندوستان میں مریضوں کی تعداد میں مستقل اضافہ ہورہا ہے اور یہ تعداد ایک ہزار سے تجاوز کر گئی ہے۔

سوشل میڈیا
سوشل میڈیا
user

قومی آوازبیورو

کورونا وائرس کا قہرتھمنے کا نام ہی نہیں لے رہااور اس وبائی وائرس سے دنیا کےترقی یافتہ ممالک جوجھ رہے ہیں ۔ ترقی یافتہ ممالک میں اس سے ہلاک ہونے والوں کی تعداد میں مستقل اضافہ ہو رہا ہے۔ اب دنیا بھر میں کورونا کے مریضوں کی تعداد ساڑھے چھ لاکھ سے تجاوز کر گئی ہے ہے جب کہ ہلاکتیں ساڑھے 30 ہزار کے قریب ہیں۔ یورپ کے ممالک اٹلی اور اسپین اس سے سب سے زیادہ متاثر ہیں اور وہاں ہلاکتوں میں مسلسل اضافہ ہو رہا ہے۔ اٹلی میں 900 ہلاکتیں ہوئیں جب کہ امریکہ میں پہلی بار ایک دن میں اموات کی تعداد 300 سے بڑھ گئی۔

ادھر پڑوسی ملک پاکستان میں کورونا وائرس سے 12 اموات ہو گئی ہیں اور مریضوں کی تعداد 1495 کو پہنچ گئی ہے۔کورونا وائرس سے نمٹنے میں مہارت رکھنے والے آٹھ طبی ماہرین کی ٹیم بھی چین سے پاکستان پہنچ گئی ہے۔ پاکستان نے ہوٹلوں میں قرنطینہ کے عارضی مراکز بنانے شروع کر دیے ہیں۔


ہندوستان میں بھی مریضوں کی تعداد میں مستقل اضافہ ہورہا ہے اور یہ تعداد ایک ہزار سے تجاوز کر گئی ہے۔ہندوستان میں نئے مریضوں کی تعدادمیں اب بہت تیزی کے ساتھ اضافہ ہورہا ہے۔

امریکہ میں اب کورونا وائرس کے سب سے زیادہ کیسز ہیں۔ یہ تعداد ایک لاکھ 20 ہزار سے زائد ہے۔ امریکہ کے صدر ڈونلڈ ٹرمپ نے سابق فوجیوں کو دوبارہ طلب کرنے کا حکم نامہ جاری کیا ہے۔ادھر دیرسے اقدامات اٹھائے جانے کولے کر امریکہ میں ٹرمپ کو زبردست تنقید کا سامنا ہے۔


دوسری جانب چین سے اچھی خبر یہ آ رہی ہے کہ چین کے شہر ووہان میں زندگی بتدریج معمول پر آ رہی ہے۔ ٹرین سروس بھی جزوی طور پر بحال کر دی گئی ہے۔واضح کورونا وائرس کی وبا چین کے اسی شہر سے شروع ہوئی تھی۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 29 Mar 2020, 6:30 AM