بین الاقوامی کرکٹ کی 117 دن بعد نئے انداز میں واپسی

نئی دہلی: عالمی وبا کورونا وائرس کے سبب بند ہوئے بین اقوامی کرکٹ کی 117 روز کے طویل وقفے کے بعد انگلینڈ کے ساوتھمپٹن میں نئے انداز میں واپسی ہونے جا رہی ہے جہاں انگلینڈ اور ویسٹ انڈیز کی ٹیمیں آٹھ جولائی سے پہلے ٹسٹ میں آمنے سامنے ہوں گی۔

تین ٹیسٹ میچوں کی سیریز کا پہلا ٹسٹ میچ شائقین کے بغیر خالی اسٹیڈیم میں کھیلا جائے گا۔ ٹیسٹ کرکٹ میں چوتھی اور آٹھویں درجہ کی ٹیموں کے مابین ہونے والے اس میچ میں کرکٹ میں واپسی متوقع ہے جو کورونا وائرس کی وجہ سے مارچ کے وسط سے بند ہے۔

آخری بین الاقوامی میچ 13 مارچ کو آسٹریلیا اور نیوزی لینڈ کے مابین ایک روزہ مقابلہ تھا جو سڈنی میں شائقین کے بغیر کھیلا گیا تھا۔ انگلینڈ اور ویسٹ انڈیز کے درمیان ٹیسٹ سیریز بھی ناظرین کے بغیر کھیلی جائے گی اور کورونا وائرس کے سبب کچھ ضابطے بھی نافذ ہوں گے۔ انگلینڈ اور ویسٹ انڈیز کے کھلاڑیوں نے 14 روز کی قرانطین کی مدت گزار چکے ہیں اور وہ اپنی ٹیموں کے بیچ پریکٹس میچ بھی کھیل چکے ہیں۔ ساوتھمپٹن ​​ٹیسٹ سے کرکٹ بالکل مختلف انداز میں شروع ہوگا۔

اس ٹسٹ میں گیندبازی کا سب سے بڑا امتحان ہوگا کیونکہ آئی سی سی نے کورونا کے سبب گیندبازوں کے ذریعہ گیند پر تھوک کے استعمال پر پابندی عائد کردی ہے۔ یہ دیکھنا اب دلچسپ ہوگا کہ گیندباز اپنی پرانی عادت پر کیسے قابو پاتے ہیں۔ آئی سی سی نے حالانکہ شروعاتی طور پر ضابطوں کی خلاف ورزی پر کچھ نرمی دینے کی پیشکش کی ہے کیونکہ گیندبازوں کو اس کی عادت ہے۔ آئی سی سی کے ضابطے کے تحت گیندباز کو پہلے وارننگ دی جائے گی۔

امپائرٹیم کو دو مرتبہ اس ضابطہ کی خلاف ورزی کرنے پر وارننگ جاری کریں گے جس کے بعد پھر بھی ایسا ہونے پر بلے بازی کرنے والی ٹیم کو پانچ ایکسٹرا رن دیئے جائیں گے۔ گیند پر تھوک کا استعمال نادانستہ طور پر ہوا ہے یا نہیں اس کا فیصلہ بھی امپائر کریں گے اور گیند کو وائرس سے پاک کرنے کی ذمہ داری بھی امپائر کی ہوگی۔ اس کے علاوہ کورونا کے سبب ٹسٹ کرکٹ میں متبادل کھلاڑی کی اجازت بھی دی گئی ہے۔

میچ کےد وران کسی بھی کھلاڑی میں کورونا کی علامات نظر آنے پر میچ ریفری سر پر چوٹ لگنے کے معاملے کی طرح ہی اس بابت فیصلہ کرے گا۔ اس میچ میں مقامی امپائروں کا استعمال ہوگا۔ ٹیم کو ہر اننگ میں ایکسٹرا ڈی آر ایس بھی ملے گا۔ کورونا کے سبب کئی حالات میں آئی سی سی نے یہ فیصلہ کیا ہے۔ یہ سیریز آئی سی سی ٹسٹ چیمپئن شپ کا حصہ ہے لیکن کورونا کے سبب ٹسٹ چیمپئن شپ کا پورا پروگرام گڑبڑ ہوگیا ہے۔ اس دوران کئی سیریز کو ملتوی کیا گیا ہے۔ آٹھ میچ ملتوی کئے جاچکے ہیں جن میں بنگلہ دیش شامل ہے۔