دھونی کی بیٹی کو غصّہ کیوں آیا؟

یوں تو پوری دنیا میں دھونی کے مداحوں کی ایک بڑی تعداد ہے اور دھونی کے لئے ان کی چاہت کا عالم یہ ہے کہ وہ دھونی کے لئے جان تک دینے کو تیار رہتے ہیں۔ آئی پی ایل کے میچ ہوں تو ان کے چاہنے والوں کی یہ ’پیلی فوج ‘ہر جگہ پہنچ جاتی ہے۔ ان چاہنے والوں میں ایک دھونی کی بیٹی ’جیوا‘ بھی ہیں جو اس بات پر بھی غصہ ہو جاتی ہیں کہ کوئی ان کے پاپا کا نام زور سے کیوں لے رہا ہے۔

وشاکھا پٹنم میں کھیلے گئے دوسرے کوالیفائنگ مقابلہ جیتنے کے بعد جب چنئی سپر کنگس اپنے ہوٹل میں واپس لوٹ رہی تھی تب ان چاہنے والے فینس کی ایک حرکت نے دھونی کی بیٹی کو غصہ دلا دیا۔ جب ٹیم بس اپنے ہوٹل واپس آ رہی تھی تب کچھ چاہنے والے بائک سوار بس کے ساتھ دھو نی دھونی کی آواز لگا رہے تھے اور یہی بات جیوا کو اتنی ناگوار گزری کہ وہ ان سے ناراض ہو کر کہنے لگی ’سو لاؤڈ، لاؤڈ‘ (اتنے زور زور سے)۔ جیوا کو بالکل اچھا نہیں لگا کہ کوئی ان کے والد کا نام اس قدر چیخ چیخ کرپکارے۔ غصہ کیوں نہ ہو اور کوئی کیوں اس کے والد کا نام اتنا زور سے لے۔

آئی پی ایل میں شاید ہی کوئی میچ رہا ہو جب وہ اپنے والد کا میچ دیکھنے نہیں آئی ہوں۔ وہ ہر میچ میں اپنی والدہ ساکشی کے ساتھ نظر آتی ہیں اور چوکے، چھکے یا آؤٹ ہونے پر ان کا رد عمل دیکھنے لائق ہوتا ہے۔آج کل جیوا کا ساتھ دینے کے لئے دھونی کے ساتھی سریش رینا کی بیٹی بھی ان کے ساتھ ہوتی ہیں۔ واضح رہے کل چینئی سپر کنگس نے اپنا میچ جیت کر فائنل میں جگہ بنا لی ہے۔