آر بی آئی کے ریپو ریٹ بڑھاتے ہی دو بینکوں نے قرض مہنگا کرنے کا کیا اعلان

آئی سی آئی سی آئی بینک اور پنجاب نیشنل بینک نے اپنے قرض دینے کی شرح میں اضافہ کرنے کا فیصلہ کیا ہے، آئی سی آئی سی آئی نے اپنے ایکسٹرنل بنچ مارک لینڈنگ ریٹ میں اضافہ کا اعلان کیا ہے۔

فائل تصویر آئی اے این ایس
فائل تصویر آئی اے این ایس
user

قومی آوازبیورو

آر بی آئی نے 5 اگست کو جائزہ میٹنگ میں ریپوریٹ میں تیسری بار اضافہ کیا تھا۔ اس کے بعد سے ہی یہ امید ظاہر کی جا رہی تھی کہ سبھی بینکوں کے قرض مزید مہنگے ہو جائیں گے۔ اب آر بی آئی کے اعلان کے بعد دو بڑے بینکوں نے اپنے قرض کو مہنگا کرنے کا فیصلہ کیا ہے۔

موصولہ اطلاعات کے مطابق آئی سی آئی سی آئی بینک اور پنجاب نیشنل بینک نے اپنے قرض دینے کی شرح میں اضافہ کرنے کا فیصلہ کیا ہے، آئی سی آئی سی آئی نے اپنے ایکسٹرنل بنچ مارک لینڈنگ ریٹ میں اضافہ کا فیصلہ لیا ہے۔ یہ شرحیں 5 اگست 2022 سے نافذ ہو چکی ہیں۔ دوسری طرف پنجاب نیشنل بینک کے آئی-ای بی ایل آر بڑھانے کے فیصلے کے بعد یہ 9.10 فیصد ہو گیا ہے۔ پی این بی نے اپنے آر بی آئی سے متعلق قرض آر ایل ایل آر میں اضافہ کا فیصلہ کیا ہے۔ یہ 7.40 فیصد سے بڑھ کر 7.90 فیصد ہو گیا ہے۔ یہ نئی شرحیں 8 اگست 2022 سے نافذ ہو جائیں گی۔


واضح رہے کہ سال2019 میں مرکزی بینک یعنی ریزرو بینک آف انڈیا (آر بی آئی) نے یہ فیصلہ کیا تھا کہ کسی بھی طرح کا پرسنل لون اور ریٹیل لون کو ریپو ریٹ سے جوڑ دیا جائے گا۔ بہرحال، جمعہ کے روز آر بی آئی نے ریپو ریٹ میں اضافہ کا اعلان کیا تھا۔ آر بی آئی گورنر شکتی کانت داس نے جمعہ کو پالیسی پر مبنی شرح یا ریپو ریٹ کو 50 بیسس پوائنٹ بڑھا کر 5.4 فیصد کرنے کا اعلان کیا تھا۔ بڑھتی مہنگائی کو کنٹرول کرنے کے لیے آر بی آئی نے 94 دنوں کے اندر تین بار کُل ریپو ریٹ بڑھانے کا فیصلہ کیا ہے۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔