بڑی خبر: تیل قیمتوں میں ڈھائی روپے کی کمی، چناؤ کے پیش نظر حکومتی اقدام

ملک کے عوام پر لگاتار تیل قیمتوں کی مار پڑنے کے بعد اب چناؤ کے پیش نظر حکومت نے قدم اٹھاتے ہوئے پٹرول اور ڈیزل پر لگنے والی ایکسائز ڈیوٹی کو کم کر دیا ہے۔ حکومت کے اس اقدام کے بعد اب پٹرول اور ڈیزل کے داموں میں 2.50 روپے کی کمی واقع ہوگی۔

ویڈیوکون کو قرض دینے کے معاملہ میں تنازعہ میں گھری آئی سی آئی سی آئی بینک کی سی ای او چندہ کوچر نے عہدہ چھوڑ دیا ہے۔ انہوں نے بورڈ آف ڈائریکٹرس سے قبل از وقت عہدہ سے سبکدوش ہونے کی درخواست کی تھی جسے فوری منظور کر لیا گیا ہے۔

چندہ کوچر کے مقام پر سندیپ بخشی کو بینک کا نیا سی ایم ڈی بنایا گیا ہے۔ چندہ کوچر کے استعفی کی خبر کے عام ہوتے ہی آئی سی آئی سی آئی کے شیئروں میں اچھال آیا ہے۔

جمعرات کو بینک کی طرف سے اس خبر کو شیئر بازار میں شیئر کیا گیا۔ بینک نے کہا ہے کہ بورڈ آف ڈائریکٹرس نے کوچر کی درخواست فوری منظور کر لی ہے۔ بینک نے یہ بھی کہا ہے کہ چندہ کے خلاف چل رہی تفتیش کا ان کے عہدہ چھوڑنے سے کوئی فرق نہیں پڑے گا۔

شیئر بازار کی جمعرات کو گراوٹ کے ساتھ شروعات ہونے کے بعد ہاہاکار کا سلسلہ جاری ہے۔سینسیکس اب تک 810.87 پوائنٹ تک ٹوٹ چکا ہے۔

وہیں نفٹی کی بات کریں تو بھاری گراوٹ کے ساتھ تو فی الحال 261.50 پوائنٹ کی گراوٹ کے ساتھ یہ 10596.75 کی سطح پر کاروبار کر رہا ہے۔

شیئر بازار میں جمعرات کی صبح بھاری گراوٹ درج کی گئی ہے۔ سینسیکس 614.47 پوائنٹس کی گراوٹ کے ساتھ کھلا۔ حالانکہ بعد میں بازار کچھ سنبھلا اور یہ گراوٹ 400 پوائنٹس تک پہنچ گئی۔ سینسیکس ابھی 35370.89 پوائنٹس پر کاروبار کر رہا ہے۔

وہیں نفٹی میں 150 پوائنٹس کی گراوٹ درج کی گئی ہے۔ بمبئی اسٹاک ایکسچینج (بی ایس ای) کا 30 شیئروں پر مبنی حسی انڈیکس (سنسری انڈیکس) صبح 155.1 پوائنٹس کی گراوٹ کے ساتھ 35820.53 پر جبکہ 50 شیئرں پر مبنی نیشنل اسٹاک ایکسچینج (این ایس ای) نفٹی 103.55 پوائنٹس کی گراوٹ کے ساتھ 10754.70 پر کھلا۔

نئی دہلی: آئل مارکیٹنگ کمپنیوں کی جانب سے تیل قیمتوں میں اضافہ کئے جانے کا سلسلہ جمعرات کو بھی جاری رہا۔ دہلی اور ممبئی میں پٹرول کے داموں میں بالترتیب 15 پیسے اور 14 پیسے فی لیٹر جبکہ ڈیزل کے داموں میں بالترتیب 20 پیسے اور 21 پیسے فی لیٹر کا اضافہ ہوا ہے۔

اضافہ کے بعد دہلی میں پٹرول کی قیمت 84 روپے فی لیٹر اور ڈیزل کی قیمت 75.45 پیسے فی لیٹر تک پہنچ گئی ہے جبکہ ممبئی میں پٹرول کی قیمت 91.34 روپے فی لیٹر اور ڈیزل کی قیمت 80.10 روپے فی لیٹر کی بلند ترین سطح پر جا پہنچی ہے۔