معاشی محاذ پر مودی حکومت کو پھر لگا جھٹکا، انڈیا ریٹنگز نے گھٹایا شرح ترقی کا اندازہ

انڈیا ریٹنگز اینڈ ریسرچ نے رواں مالی سال میں ہندوستان کی شرح ترقی کے اپنے اندازے میں کمی کر دی ہے۔ ریٹنگ ایجنسی نے 20-2019 میں ملک کی معاشی شرح ترقی کے اندازہ کو 6.1 فیصد سے گھٹا کر 5.6 فیصد کر دیا ہے۔ ایجنسی نے ایک رپورٹ میں کہا کہ رواں مالی سال کی دوسری سہ ماہی میں ملک کی جی ڈی پی کی شرح ترقی 4.7 فیصد رہ سکتی ہے۔

انڈیا ریٹنگز نے ایک بیان میں کہا کہ ’’اعداد و شمار بتاتے ہیں کہ مالی سال 20-2019 کی دوسری سہ ماہی میں جی ڈی پی شرح ترقی 5 فیصد سے تھوڑا زیادہ کرنے کی امید نہیں ہے، اس لیے اندازہ میں بدلاؤ کرنا ضروری ہو گیا۔‘‘

ریٹنگ ایجنسی نے کہا کہ ’’نئے اندازے کے مطابق دوسری سہ ماہی میں جی ڈی پی شرح ترقی 4.7 فیصد رہ سکتی ہے۔ ضروری مثبت اثرات کے باوجود معاشی ترقی کی رفتار کم پڑنے سے رواں مالی سال کی دوسری سہ ماہی میں پہلے کے قیاس سے بھی کم شرح ترقی رہ سکتی ہے اور اس کے 6.2 فیصد رہنے کا اندازہ ہے۔‘‘