لبنیٰ ال اولایان سعودی عرب کی پہلی خاتون بینک سربراہ

سعودی عرب میں اصلاحات کا دور جاری ہے اور اس سلسلہ میں اب سعودی عرب کی تاریخ میں پہلی مرتبہ ایک خاتون بینک کی سربراہ بنی ہیں۔

سوشل میڈیا 
سوشل میڈیا
user

قومی آوازبیورو

خواتین کو پہلی مرتبہ گاڑی چلانے کی اجازت سے لے کر سعودی عرب میں سنیما ہال کا کھولا جانا اپنے آپ میں بتاتا ہے کہ وہاں اصلا حات کا دور جاری ہے اور اصلاحات کے اس جاری عمل میں اب ایک نیا باب اس وقت جڑ گیا جب سعودی عرب کی کاروباری خاتون لبنیٰ ال اولایان سعودی برٹش بینک اور الاول بینک کے انضمام سے بننے والے نئے بینک کی سربراہ بن گئی ہیں۔ واضح رہے یہ پہلی مرتبہ ہوگا کہ سعودی عرب میں کوئی خاتون کسی بینک کی سربراہ ہوں گی۔

فی الحال ایک خاندانی تنظیم کی سربراہ اولایان کو سعودی عرب کی فنانس انڈسٹری میں خواتین کی آمد کا آغاز سمجھا جارہا ہے۔ امریکہ میں تعلیم حاصل کرنے والی اولایان رواں برس فوربز میگزین کی مشرق وسطیٰ کی سب سے متاثر کن شخصیات کی فہرست میں پہلے نمبر پر رہی ہیں۔

سعودی عرب برٹش بینک کی الاول بینک سے انضمام کے بعد بننے والا یہ نیا بینک ملک میں تیسرے بڑے بینک کی جگہ لے لے گا۔ اس بینک کا مجموعی کیپیٹل 17.2 ارب ڈالر ہے۔

واضح رہے کہ سعودی عرب میں خواتین کو اختیار دینے کا سہرا ولی عہد شہزادہ محمد بن سلمان کو جاتا ہے جنھوں نے گذشتہ برس ملک میں وژن 2030 نامی منصوبہ تیار کیا تھا جس کے بعد ملک میں بڑے پیمانے پر اصلاحات کے نفاذ کے ساتھ ساتھ خواتین کی ڈرائیونگ پر عائد پابندی کو ختم کر دیا گیا تھا۔

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔


Published: 06 Oct 2018, 7:59 AM